TERRA MIA

G Renda

Calabrisella mia, Calabrisella mia, Calabrisella mia juri d'amuri...

A tìagnu ntra l'aricchji sta canzuna
d''u jùarnu chi di Napuli partìvi,
i fogli chi cadìanu ad una ad una,
supra i muntagni c'era già la nivi.

Avìa aspittatu tantu stu mumentu!
I juarni avìa cuntatu mu vinìa
e moni ch'è arrivatu mi ndi piantu
c'haiu i lassari chista terra mia

Terra mia, terra d'amuri
Curuna ti fa lu cìalu e lu mari.
Terra mia, cc'haiu crisciùtu
E a st'àrvuli cci dugnu nu salutu.
Terra mia, terra di cori,

luntanu i ccà cumu pùazzu campàri
e cumu fhazzu mu mi scùardu i tìa
e di chilli ùacchji nìuri di Maria.

Ma moni chi tant'anni hanu passatu,
iu tìagnu nustalgìa di riturnari,
vùagliu vidìri tutt'amìci mia,
a casicella nduvi sugnu natu.

Sùpra u vignànu a vecchja mamma mia
chi cìva lli gallini ad ogni ura,
l'amuri mia mi stà aspittandu ancora,
su sempri nìuri e bìalli l'uacchji sua.

Terra mia, terra d'amuri,
curuna ti fa lu cìalu e lu mari,
e cumu fhazzu mu mi scùardu i tia
Calabria mia, Calabria mia..